Í gær sendi ég frá mér Nýliðavalið 2019: Endurval og miðað við flettingatölur síðunnar var greinilega mikill áhugi fyrir þessari tilraun. Því liggur beinast við að tækla 2018 árganginn. Rétt rúmur helmingur 1. umferðar leikmanna fékk endurval í þessari æfingu, 9 leikmenn sem teknir voru í 2. umferð tryggðu sér sæti í endurvalinni 1. umferð, 5 leikmenn úr 3. umferð og einn úr 5. umferð klifruðu tölfuna.
1. Cleveland Browns – Josh Allen, QB
Raunverulegt val: Baker Mayfield, QB
Auðvelt. Engin útskýring nauðsynleg. Ein spurning samt: myndum við treysta Browns til þess að þroska og þróa Allen?
2. New York Giants – Lamar Jackson, QB
Raunverulegt val: Saquon Barkley, RB
Barkley valið hefur heldur betur ekki gengið eftir hjá Giants en það er nokkuð ljóst að Lamar Jackson hefði mögulega breytt einhverju fyrir klúbbinn – þeas ef liðið færi rétt með hæfileika hans.
3. New York Jets – Quenton Nelson, OG
Raunverulegt val: Sam Darnold, QB
Nelson var vissulega tekinn mjög hátt árið 2018 en miðað við gæðin hans var það ekki nógu hátt!
4. Cleveland Browns – Jaire Alexander, CB
Raunverulegt val: Denzel Ward, CB
Það er ekki mikið sem skilur á milli Alexander og Denzel Ward en ég tæki þó alltaf Jaire fram yfir Denzel. Josh Allen og Jaire Alexander til Browns: Úff!
5. Denver Broncos – Darius Leonard, LB
Raunverulegt val: Bradley Chubb, EDGE
The Maniac er einfaldlega einn af bestu varnarmönnum deildarinnar í dag og hér endar hann í Denver.
6. Indianapolis Colts – Denzel Ward, CB
Raunverulegt val: Quenton Nelson, OG
Colts eru eitt af 7-8 liðum í þessari 1. umferð sem hefðu líklega viljað halda sig við raunverulegt val sitt en Denzel Ward er þó enginn slugsi og erfitt er að vera brjálaður yfir þessu endurvali Colts.
7. Buffalo Bills – Vita Vea, DT
Raunverulegt val: Josh Allen, QB
Hér fá Bills menn súrt epli – ekki það að Vea sé ekki stórkostlegur varnarmaður – heldur vegna þess að Allen er topp 5 stjórnandi í þessari deild.
8. Chicago Bears – Nick Chubb, RB
Raunverulegt val: Roquan Smith, LB
Ég er ekki hrifinn af því að velja hlaupara í 1. umferð en þegar þú veist að hlauparinn sem þú velur mun fagna sama árangri í deildinni og Chubb hefur gert hingað til – að þá tekuru hann. Gjörsamlega magnaður hlaupari sem hefur allan pakkann.
9. San Francisco 49ers – Orlando Brown, OT
Raunverulegt val: Mike McGlinchey, OT
Góðir vinstri tæklarar eru gulls í gildi og vissulega spilaði Brown á hægri kanti Ravens línunnar fyrstu þrjá árin í deildinni en hann er kominn vinstra megin á línuna hjá Chiefs núna og spilaði vel í vetur. Þetta er skrímsli af manni sem engin leið er að komast í kringum.
10. Arizona Cardinals – Wyatt Teller, OG
Raunverulegt val: Josh Rosen, QB
Teller var tekinn í 5. umferð og er hér endurvalinn sem topp 10 leikmaður – enda er hann það. Teller hefur brillerað síðustu ár í hægri verðinum á Browns línunni og fékk nýverið spikaða framlengingu: 4-ár, $56M.
11. Miami Dolphins – Fred Warner, LB
Raunverulegt val: Minkah Fitzpatrick, FS
Fitzpatrick valið var mjög sterkt þrátt fyrir að liðið hafi skipt honum í burtu til Steelers fyrir 2 árum. Í nafni breytinga ákvað ég að gefa Dolphins liðinu leiðtoga á annað level varnarinnar í Fred Warner sem er næstlaunahæsti línuvörður deildarinnar.
12. Tampa Bay Buccaneers – Minkah Fitzpatrick, FS
Raunverulegt val: Vita Vea, DT
Fitzpatrick fellur ekki langt, hann á klárlega heima á þessu svæði 1. umferðarinnar. Hér fá Buccaneers mikinn playmaker með nef fyrir boltanum.
13. Washington Redskins – Derwin James, SS
Raunverulegt val: Daron Payne, DT
Þrátt fyrir að þrátlát meiðsli hafi truflað upphaf ferils Derwin James, þá er engum blöðum að fletta að gæðin eru fáránleg og vel hægt að réttlæta notkun svona dýrmæts valréttar í leikmanninn.
14. New Orleans Saints – Mark Andrews, TE
Raunverulegt val: Marcus Davenport, EDGE
Andrews hefur jafnt og þétt bætt sinn leik og frammistöðu og er nú auðveldlega kominn í sama hóp og George Kittle og Travis Kelce. Frábær innherji.
15. Oakland Raiders – Kolton Miller, OT
Raunverulegt val: Kolton Miller, OT
Hér varð ég eiginlega bara að halda mig við raunverulegt val Raiders manna. Miller fór hægt af stað fyrstu árin sín í deildinni en hann var frábær í vetur en hann þarf að sýna meira ef hann ætlar að koma sér í hóp þeirra allra bestu í deildinni.
16. Buffalo Bills – Harold Landry, EDGE
Raunverulegt val: Tremaine Edmunds, LB
Landry hefur vaxið ásmegin síðastliðin ár og skilið núna síðast inn laglegri frammistöðu af brúninni í Tennessee. Landry var tekinn í 2. umferð og hefur heldur betur yfirspilað það.
17. Los Angeles Chargers – Frank Ragnow, OC
Raunverulegt val: Derwin James, SS
Ragnow er einn besti senter deildarinnar en hann meiddist eftir 4 leiki í vetur og fór í aðgerð á tá sem batt enda á mótið hans.
18. Green Bay Packers – D.J. Moore, WR
Raunverulegt val: Jaire Alexander, CB
Moore er búinn að kjúfa 1100 gripjarda múrinn síðustu þrjú tímabil og það með Kyle Allen, Teddy Bridgewater, Sam Darnold og Cam Newton undir senter.
19. Dallas Cowboys – Jessie Bates III, FS
Raunverulegt val: Leighton Vander Esch, LB
Bates er einn af playmaker-um Bengals varnarinnar og var að öðrum ólöstuðum einn besti miðvörður deildarinnar í fyrra. Bates var tekinn í 2. umferð og fær hér ríkulegt bömp.
20. Detroit Lions – Braden Smith, OT
Raunverulegt val: Frank Ragnow, OC
Smith er búinn að vera partur af einni bestu sóknarlínu deildarinnar síðustu 3-4 ár. Hann hefur mannað hægri tæklarann fyrir Colts síðan í leikviku 5 á nýliðaárinu sínu. Flýgur undir radarinn en er búinn að vera einstaklega stöðugur fyrir Colts liðið.
21. Cincinnati Bengals – Courtland Sutton, WR
Raunverulegt val: Billy Price, OC
Bengals fá hérna öflugan útherja í stað sentersins Price sem engu hefur skilað félaginu eftir að það valdi hann.
22. Tennessee Titans – Roquan Smith, LB
Raunverulegt val: Rashaan Evans, LB
Smith var tekinn nokkuð hátt (nr. 8) um árið en er að mínu mati 1. umferðar línuvörður enda kominn með 524 tæklingar á fjórum árum.
23. New England Patriots – Daron Payne, DT
Raunverulegt val: Isaiah Wynn, OT
Stór og stæðilegur varnartæklari sem getur sett pressu á stjórnendur og myndi að öllum líkindum plumma sig afar vel á línunni hans Belichick.
24. Carolina Panthers – Tremaine Edmunds, LB
Raunverulegt val: D. J. Moore, WR
Panthers menn hljóta að vera sáttir með sitt raunverulega pikk (Moore) en Tremaine Edmunds hefði átt ærið verkefni fyrir höndum í Carolina að feta í fótspor Luke Keuchly. Edmunds kom gríðarlega ungur inn í deildina (20) og verður ekki 24 fyrr en í Maí.
25. Baltimore Ravens – Saquon Barkley, RB
Raunverulegt val: Hayden Hurst, TE
Meiðsli hafa sett stórt strik í reikninginn, þess vegna fellur Barkley alla leið niður á botn 1. umferðarinnar.
26. Atlanta Falcons – Dallas Goedert, TE
Raunverulegt val: Calvin Ridley, WR
Goedert þurfti að spila í skugganum af Zach Ertz fyrstu þrjú tímabilin sín en leystu TE2 hlutverkið af stakri snilld og er þekktur fyrir að vera vopn í kastleiknum og brúkhæfur í hlaupablokkeringunum. Calvin Ridley, sem Falcons tóku raunverulega, hefði klárlega fengið 1. umferðar endurval hefði hann ekki hætt á síðasta ári.
27. Seattle Seahawks – Mike McGlinchey, OT
Raunverulegt val: Rashaad Penny, RB
McGlinchey var tekinn í topp 10 í þessum árgangi, til 49ers, en það er heldur ríkt að mínu mati. Þetta er góður sóknarlínumaður sem náði því miður aðeins fyrstu 8 leikjum liðsins í vetur. Russell Wilson hefði verið ánægður með þennan valrétt frekar en R. Penny sem hefur lítið komið við sögu hjá Seahawks.
28. Pittsburgh Steelers – Brian O’Neill, OT
Raunverulegt val: Terrell Edmunds, SS
O”Neill kom inní deildina stimplaður sem vörður þar sem deildin hafði áhyggjur af lengd handleggja hans en Vikings eru búnir að stilla honum upp í hægri tæklaranum frá leikviku 2 á nýliðaárinu hans. Stöðugur og traustur.
29. Jacksonville Jaguars – Alex Cappa, OG
Raunverulegt val: Taven Bryan, DT
Cappa var tekinn í 3. umferðinni enda kemur hann frá afar litlu háskólaprógrammi. Hann hefur hinsvegar sannað sig sem góður byrjunarliðsvörður og er búinn að manna hægri varðar stöðu Buccaneers síðustu þrjú ár.
30. Minnesota Vikings – Bradley Chubb, EDGE
Raunverulegt val: Mike Hughes, CB
Það er erfitt að staðsetja Chubb í þessum árgangi. Hann var klárlega einn besti leikmaður nýliðavalsins en meiðsli hafa sett strik í reikninginn hjá honum. Það er eiginlega ekki hægt að henda honum útúr 1. umferðinni þar sem hann gæti vel sprungið almennilega út á næstunni.
31. New England Patriots – Marcus Davenport, EDGE
Raunverulegt val: Sony Michel, RB
Davenport hefur verið inn og út úr byrjunarliði Saints síðan hann var valinn inní deildina. Kannski er það vegna þess að hann hefur misst út amk 3 leiki öll tímabilin sín. 2021 var hans besta ár hingað til og nú virðist örin loks farin að benda hressilega uppávið.
32. Baltimore Ravens – Michael Gallup, WR
Raunverulegt val: Lamar Jackson, QB
Gallup hefur gert gríðarlega vel sem þriðji útherji Dak Prescott. Það leikur enginn vafi á því að hann myndi fara létt með að axla meiri ábyrgð.
